華倫攞正牌留力醒奧沙

猪拉多纳

西甲季尾成日都有傳出有球隊賣分嘅消息，有關方面有時唔係唔想執正嚟做，而係根本冇辦法證實呢啲咁嘅傳聞，特別係部份球隊唔愁降班，同時又冇得爭冠軍或歐洲賽席位，佢哋真係等緊收咧，戰意唔及對手好正路，所以即使啲風傳得幾勁都好，冇真憑實據都係好難做嘢。
熱拿亞揀波踢主場發威

西甲名牌球隊華倫西亞今輪作客護級分子奧沙辛拿，隨時會讓路，平手盤可捧主隊！華倫今季國內成績唔好，家陣已經好難爭歐洲賽席位，去到季尾都係主攻歐霸盃，佢哋下星期就要踢四強戰，今次可以話係攞正牌留力，就算擺明放水，有關方面都做唔到啲咩。奧沙辛拿主場不嬲硬淨，曾經大炒勁旅馬體會，唔講得笑，呢場值得留意。

（周六晚10時開賽）

同日意甲賽事熱拿亞主場對卡利亞里，捧主隊！卡利亞里護級壓力相對較大，但其實並冇即時危險，呢班波最大問題係客場戰鬥力太弱，本季聯賽作客仲未贏過，淨計客場根本只得意乙水平，完全唔掂！熱拿亞主場不嬲有惡氣，而且好鍾意揀波踢，今次對手唔強，小讓平半係出擊靚盤，一於捧上盤！

（周六晚9時開賽）

猪拉多纳