皇蘇愛斯賓奴後防穿「大」窿

猪拉多纳

西甲球季進入尾聲，有唔少球隊立於高不成低不就嘅位置，冇壓力自然踢得比較開放，入波點會少先？今晚皇家蘇斯達喺西甲主場迎戰愛斯賓奴就係好例子，愛斯賓奴家陣已經冇乜嘢好爭，加上皇蘇攻力唔錯，下屆歐霸入場券又未到手，絕唔會放軟手腳，今場首選1.85倍入球大。

（開賽時間：周日凌晨2:00）

皇蘇家陣暫時領先排第8嘅華倫西亞7分，聯賽剩番5周，只要保持戰績穩定，就肯定拎到下屆歐霸入場券。皇蘇近7仗得1場冇波入，火力唔曳，雖然中場基沙文要停賽，但仍然有卡路士韋拿、阿基列斯等具質素球員壓陣。不過佢哋近4仗失咗8球，上仗作客切爾達喺踢多個嘅情況下，仍遭對手逼和，證明後防唔多穩陣，今場睇怕都要失番一、兩粒。

愛斯賓奴季尾冇嘢好爭，又唔使護級，球員自然踢得更輕鬆更放啦！佢哋近4仗除咗「巴塞打吡戰」主場對巴塞隆拿叫做踢得較保守之外，其餘3仗均踢得進取，夾埋入咗5粒。不過一班後衞為咗「表演」亦多咗參與進攻，自然令後防暴露唔少空位，所以近4仗有3場都開出入球大o架，好在佢哋前線有今季取得12個聯賽入球嘅沙治奧加西亞壓陣，有佢領軍同皇蘇嘅卡路士韋拿鬥攻，今晚要開入球騷唔係難事吖！