紅軍「大」踏步衝上冠軍路

猪拉多纳

蘇神對諾域治入足11球

「紅軍」爭標做「大」騷！今晚英超早場有奪冠熱門利物浦作客護級分子諾域治，雖然兩軍近況一個天一個地，利物浦亦必須贏波務求維持爭標優勢，但「金絲雀」為求搶分「留班」亦肯定發難喪攻，就算佢哋按「慣例」咁畀蘇亞雷斯o趙幾粒，亦未必攻唔入有主將缺陣嘅「紅軍」，入球大細中位數開到3.5球，照捧2.05倍入球大！

（now621台周日晚7:00直播）

講起諾域治對利物浦呢個對賽戲碼，相信大部分球迷記得，蘇亞雷斯近4次對「金絲雀」入足11球，當中包括兩次帽子戲法同1次大四喜，非常誇張！今晚史杜列治缺陣，正好造就「哨牙蘇」個人表演，繼續用入波「劏雀」！
謝拉特：當歐聯決賽咁踢！

除咗蘇亞雷斯係入球保證，連「神奇隊長」謝拉特，都話要當正今場係2005年歐聯決賽對AC米蘭咁踢，可以預期擅攻嘅「利記」唔會畀諾域治有好日子過，有望延續近3場對賽都入5粒嘅強勢。不過咁，利物浦嗰條近5場得1次保得住清白身嘅防線，亦存有一定隱憂，除咗因為平時助攻助守嘅佐敦軒達臣要停賽，最慘係中堅史卡迪爾喺禁區內成日「手多多」，今場一旦畀球證捉到痛腳，隨時又累失波o架。
諾域治為護級焗喪攻

相比起聯賽10連勝嘅「紅軍」，近7戰僅得1勝嘅諾域治實力明顯不及對手，不過佢哋喺最尾4場「護級地獄戰」要連鬥利物浦、曼聯、車路士同阿仙奴，今仗面對最惡啃嘅「紅軍」，又點可以咁快洩咗道氣先？中場巴特利莊臣仲話希望贏波擊潰對手嘅爭標夢，就算最尾輸波，踢出士氣嘅話，未必破唔到蛋嘅。
Data King：近3次對賽有18個士哥

‧兩軍近3次交手，合共出現18個入球。

‧利物浦近6次鬥諾域治獲得5勝，近4次作客贏晒。

‧利物浦近5戰有4場開半場入球大。
乜都玩錦囊：利記慣搶攻博埋半大

利物浦今季上半場入球達到破英超紀錄嘅56球，遠超諾域治今季總入球32球，證明佢哋喺早段搶攻嘅威力非常驚人，今晚對住上半場經常落後嘅「金絲雀」，換邊前應該可以早早取得入球，1.95倍「半場大」絕對抵捧啦！