明尼路「泰」勇上盤穩

猪拉多纳

巴甲近年群雄並起，近5季分別由4支唔同球隊奪冠。今季多支實力分子各自增兵，預計巴甲繼續上演連場激戰。明尼路喺今晚主場恭候哥連泰斯，睇番佢哋季初表現可靠，今仗有力打響頭炮，主隊小讓平半，1.97倍上盤依然信得過。

（開賽時間：周一凌晨3:00）

明尼路因為上季發生打鬥事件被罰，所以今晚移師到烏巴蘭迪亞沙比亞球場比賽。球隊今季由新教練艾圖奧里領軍，雖然射手阿歷辛度、中場基拔圖施華離隊，但仲有前世界足球先生朗拿甸奴、射手祖奧等主力留隊，攻力有保證，難怪佢哋放棄簽入「寸友」法國前鋒安歷卡。另外球隊向華倫西亞借入中堅奧達文迪，三線實力更平均。

睇番明尼路隊波連續17場不敗，佢哋亦喺南美自由盃輕鬆殺入16強，證明新帥艾圖奧里已經摸熟球隊，加上守將利華漢拔圖、艾馬臣干斯卡奧回歸，今仗仲唔喺聯賽首戰砌低對手壯聲威咩？
哥連泰斯多主力離隊

哥連泰斯今季由前巴西國家隊主帥文奴文尼斯回巢領軍，不過唔少正選球員離隊他投，包括射手柏圖、艾迪尼遜安達迪、中場伊比臣等人，就算佢哋補入前鋒伊利亞斯文迪斯及中場謝臣等，始終磨合需時，加上中場路爾斯拉美利斯倦勤，今仗都係不宜睇好。