見招拆招：貼冷馬要有勇氣

不死鸟

上周六賽事大致都開出正路賽果，當然亦有部分場次爆冷，好似「心路」咁改用留前鬥後跑法輸到三甲不保，就真係有點創意，唔排除呢場教馬之後，呢匹馬可以改用後上跑法殺敵，但代價就要由投注人士去付出。

　　筆者慶幸賽前提供「實業輝煌」爆出三十二倍大冷門，呢匹馬對上連續兩場跑包尾，要提供作為貼士亦要有一定勇氣，但其實對上兩場跑泥地一哩，分別由蘇狄雄同埋王志偉出策，根本騎唔出呢匹懶馬的真正實力，今仗縮程改配馬偉昌，騎者早段已經輕鬆放在前列位置，中段帶出後愈走愈勁，就此爆出冷門，騎者在發揮此駒上有頗大的影響。

　　雖然競賽小組將會就「實業輝煌」表現突然轉好而要葉楚航作解釋，不過既然上周三「世界波」包尾再出變贏一樣過到骨，相信「實業輝煌」一樣會無事，季內有不少馬匹都係包尾再出就贏馬，馬會一早無罰到，到季尾已經建立了不少先例，自然亦不可能處罰練馬師啦﹗