皇馬聲勢凌厲讓得起

猪拉多纳

歐聯四強賽事被菠菜業界視為一級比賽，唔少莊家都會開好多玩法，例如單隊總入球，走地角球、黃牌，甚至連換人數目都有得賭，全部都係專為大戰而設。莊家重視歐聯嘅程度不下於世界盃，呢個大賽有指標性，數據可以用作參考，提前為世界盃做定熱身。
多種玩法為世盃熱身

皇馬鬥拜仁係超級矚目戲碼，初盤已經有唔少散客入定貨，而大戶就慣性等到走地計啱數先出擊。由於賽事多人玩，普遍莊家都開多幾個盤畀啲客選擇，今場淨係讓球盤最基本都有四個，分別係皇馬讓半球、皇馬讓平半、平手盤同拜仁讓平半，皇馬讓波一律做緊超高水，平手盤皇馬大約有7水，拜仁讓平半，皇馬下盤得5水左右，任君選擇。

以波論波，四強球隊評級一定係拜仁最高，話就話歐聯難衞冕，但呢班波實力雄厚，而且好有霸氣，業界普遍人士都認為佢哋可以創造歷史，連專業人士都撐，難怪會被視為擂台躉。不過，皇馬今季聲勢凌厲，主場出戰仲特別犀利，呢場如果有平手盤唔使諗一定捧皇馬，就算讓平半都可小試上盤。