青春得意哩應外合

猪拉多纳

馬會今季提高最低贏馬要求到15W，好多馬房未夠數，正處水深火熱，相反霍利時3月尾已達標，最近成績停滯，並唔係放軟手腳，而係準備新一輪攻勢，今期由五班馬「青春得意」打頭陣，呢隻馬上次加盟霍廐首次出賽，跑谷草1000米志在熱身，名次並唔重要，最緊要係撻一撻隻馬，目標放今場。
       
青春得意

谷草好多時排內檔着數，但「青春得意」大步，鍾意外檔望空衝，今季跑谷草排12檔，起步縮響後面，轉彎拉出中檔望空，一條直路衝過「領航精神」爆冷，賽績認真犀利。呢隻馬原來至今谷草一哩排11、12檔三次獲一冠一亞，今場重配贏馬拍檔黎海榮巧合又執12檔，有人笑到見牙唔見眼，話可以再爆一次喎！