西甲內訌再撐西維爾

猪拉多纳

另一場歐霸盃4強次回合西甲內訌，華倫西亞主場鬥西維爾。西維爾首回合領先2比0，今仗只要保持不敗便可進身決賽，佢哋今屆歐霸作客八戰僅一敗，而且倒戈教頭艾美利對主隊底蘊暸如指掌，受讓平半波童捧下盤。

（有線62台周五凌晨3時05分直播）

華倫西亞上圈8強首回合作客瑞士巴素利輸0比3，次回合返主場上演一幕驚天大逆轉，踢至加時總比數反勝5比3晉級，今次又係首回合落後，但波童就唔睇好佢哋可以再創奇迹。首先華倫一對歐霸盃專用前鋒柏高艾卡沙及伊度亞度華加斯喺場上表現經常貌合神離，前者雖然喺歐霸盃射手榜排第二位，但其實喺比賽入面浪費咗唔少機會，後者喺處理埋門一腳方面亦唔合格。其次，西維爾今屆歐霸盃由附加賽開始踢咗八場作客，共取得五勝兩和一負，包括喺16強擊敗另一西甲球隊貝迪斯，對應付同國球隊似乎特別有心得。相反華倫今屆喺主場踢歐霸盃成績只係一般，六戰三勝只得五成勝率，要讓波唔划算。

最後，西維爾教頭艾美利曾在08至12年間執教華倫，對主隊實力及米斯泰拿球場絕對唔陌生。綜合以上三點，波童相信西維爾有力保不敗打入決賽爭標，下盤係投X首選。