大摩開飯靠貝湯美

猪拉多纳

　　上周日貝湯美崔護重臨，一如眾人所期，大摩沒有冷落這位「影子主帥」，先是「八心之煌」贏馬，再來「威爾頓」捧女皇盃。事實一再證明，大摩對湯美仔重用有加，廐內靚馬盡交其操刀，兩者合作猶如印鈔機器，財源滾滾來也！

　　有人認為，貝湯美在港得享盛名，全靠大摩不遺餘力支持，然而賭博士的睇法剛好相反，又或者公平點說，大摩願意委以重任，也須湯美仔有真材實料，若然胯下馬匹一再搏失，誰會死心塌地盲目支持？

　　所以話，大摩與湯美仔這對配搭是相輔相承，騎者靠練者提供靚馬，練者也靠騎者陣上搏殺。就講上周日的「八心之煌」，在港七戰曾配五位騎師，潘頓、韋達、莫雷拉和蔡明紹，統統是騎得之人，卻無一搞得佢掂，唯獨湯美仔有辦法，操刀三次得冠亞各一。與其說大摩關照湯美仔，不如話湯美仔帶挈大摩，感覺上更為貼切。

　　回說今次賽事，第五場「醒目精伶」和第十場「御皇鷹」，兩駒共通點是季內未勝，這對「奇難雜症」馬匹，今雙雙交由湯美仔執韁，大摩又要靠佢開飯了。

　　（賭博士）