奧沙辛拿飛到波到撐得過

猪拉多纳

西甲包辦歐聯決賽兩個席位，其實都唔令人意外，皇馬近年持續投放大量資源，依家步入收成期，今屆表現真係幾好。至於馬體會牌面處下風，但入到決賽亦係實至名歸，呢班波喺西甲做緊一哥，演出相當穩定，真係唔怕你！皇馬以往食住馬體會，但今時唔同往日，呢場係五五波，皇馬早飛盤讓平半至半球冇乜着數。
切爾達上岸戰意成疑

講返今晚重心賽事先，奧沙辛拿主場對切爾達，捧主隊！切爾達今季一度跌到下游位置，但去到季尾連場成功搶分，家陣已經處於安全區域，餘下賽事基本上係例行公事，作戰態度成疑，更加容易出現賣分之嫌，實在信唔過。奧沙辛拿近況只係一般，主場亦多場不勝，但今次要讓到半球，個盤極硬淨，飛數唔簡單，睇個款似係飛到波到，捧主Ｗ！

（周日凌晨2時開賽）
馬拉加夠贏艾爾切

同日另一場西甲賽事，馬拉加主場對艾爾切，主隊近期集中火力喺自己地頭出擊，成績都幾理想，反觀艾爾切客場根本只係得西乙水平，最近連場作客失分，就算要護級都係撻唔着，今次都係無力搶分，呢場可捧主隊！

（周日凌晨零時開賽）