體重有價:超勝盈驥大情大勝

不死鸟

 第三場四班一千米，「超勝」有1020磅，比上仗減輕6磅，幅度不算大，此駒近兩仗都入三甲，耗力不算少，加上上賽後有正常備戰工夫，體重雖有點減輕但仍在近期上名時的1020磅水平，反映體能冇大問題。

        「超勝」轉爭谷中短途後，演出明顯有進步，已找到最佳出路的質新馬，今次續在強項路程進軍，排一檔隨時賺形勢，對手比上仗更弱，仍未交代之馬，有力打開勝利之門。

          「盈驥」有1126磅，比上賽增加了11磅，幅度頗大，惟翻查紀錄，此駒勝後小休六天才見復課，養尊處休下有如此升幅正常不過。「盈驥」今季雖然拼搏不少，但四歲仔正踏入起飛期，戰鬥力有增無減，都爾停賽換上楊明綸減番十磅出戰，有百利而無一害，仍係三甲之選。

        「剛剛好」有1129磅，比上賽微重2磅，與季初上名時比較僅差3磅，體重已達標準，一千米屬唯一出路，排檔理想，有力搗亂大局。

        「大情大勝」有1112磅，比上賽重了6磅，三歲馬體重係歷來新高，顯見續在成長中，重口馬上仗快放而直路上唔斷，表現已有點起色，磅輕是有利條件之一，遇冷可敲。