彼德堡態勇攞頭威 奧連特季末跌晒Watt

猪拉多纳

英超要到周日先有緊張刺激嘅煞科戰睇，追開英格蘭足球嘅朋友今日不妨睇下兩場英甲升班附加賽首回合，同樣都好激！科娜首先講吓趕上升班附加賽尾班車嘅彼德堡於主場對第3位嘅奧連特，彼德堡雖然排名比奧連特低，但講狀態就一定好過對手，今場主勝同入球大都博得過！

（TVB 301周六晚7時15分直播）

彼德堡嚟到季尾狂發力，勁搶分下最尾以第6名過終點，班球員打起個勢，狀態自然弗到漏，士氣更係大振。彼德堡喺主場連番奏捷，近五場取得四勝一和佳績，上場收咧戰喺主場和波並非狀態回落，而係領隊戴倫費格遜畀部分主力休戰，留力踢呢場升班大戰，希望首回合攞番個頭威先。

相反上半季踢得勁好嘅奧連特嚟到下半季就開始跌Watt，狀態飄忽，都係捧主勝好過。留意雙方近7次交手全部開大，進取啲嘅可以追埋個大盤博雙殺。
普雷斯頓做東嗒得「洛」

另一場附加賽首回合普雷斯頓主場對洛達咸，普雷斯頓出名係地頭蟲，主場戰績喺英甲排第3，僅次於獲直接升班資格嘅賓福特同狼隊，淨計近期主場都取得5連勝，洛達咸今場有後衞麥克巴特利因傷缺陣，又有中場史摩活要坐波監，普雷斯頓讓平半，上盤捧得過！

（TVB 302周日凌晨零時15分直播）