堅利粉決戰偽曼躉

猪拉多纳

英超今晚煞科，所以東網電視體育台節目《女神‧燈神》，特意找來兩位陪伴大家睇足全季賽事的now TV英超直播嘅節目主持「阿旦」鄧伊玲同埋Pinky（羅沛琪）接受考驗！
阿旦撐利記撐到底

作為利記粉絲嘅「阿旦」直言即使機會渺茫都要忠於愛隊：「其實季初只希望利物浦可打入第3，現在已係超額完成，所以要一直撐利記到最後！」最近佢就拍咗一段名為《我的利記女友》短片放上網，內容係作為利記女友嘅佢，當與曼聯男友一起睇波時，應該講乜嘢說話嚟氹男友，但今晚情況變咗，「利記女友」隨時需要男友氹番，故「阿旦」亦教定各位男友講：「We Win, We Draw, We Lose Together!」語帶雙關，女友一定冧！
Pinky現實啲捧城城

這邊廂「阿旦」對利記不離不棄，但佢喺英超節目嘅拍檔Pinky於上周賽事，為免自己做「燈神」卻選擇「棄車」而估曼城贏波，最終順利勝出。故此，今個星期Pinky繼續面對現實，認為曼城可輕易擊敗韋斯咸，直接捧走英超冠軍獎盃！Pinky解釋道：「雖然自己係車路士球迷，但若你問我今晚10場賽事中，最穩陣可以贏波嘅球隊，呢隊一定係曼城！我重申一點，我估曼城贏並唔代表我唔愛『車仔』，我只係『身在曼城心在車』！」