格雷特霍夫做好本分先

猪拉多纳

德甲尋晚就落幕，拜仁一早以無敵姿態捧盃，季尾焦點都係集中喺歐賽資格同護級形勢身上，如果德甲係三隊直降，漢堡、紐倫堡、布倫瑞克其實無乜好爭，但由於德甲尾三隊波會同德乙第三名爭升留班，所以呢半個位最後真係打甩髀啦！

尾三有得踢附加賽，對德甲護級球隊當然係喜訊，但德乙爭升班真係好悲慘，最終第二名直升同第三名踢附加賽真係爭好遠。上星期球彩台同大家睇過柏達邦贏波，續佔第二主動權，只要今晚贏阿倫就肯定升班，相反格雷特霍夫就要望柏達邦打和先有機會搶到做二哥，雖然都係望天打卦，但要達成目標先要自己贏波先。
鬥辛特侯遜吼大盤

格雷特霍夫都可以話係超級和波王，歇冬後踢14場和咗7場，令佢哋處於如此被動位置，但佢哋入球能力亦唔錯，呢半年14場德乙得1場冇入球。格雷特霍夫上輪更大炒科特布斯6球，當中射手阿斯美最近4場入6球，正路對住無欲無求嘅辛特侯遜，應該冇乜阻力，就算怕佢哋「唔小心」又打和，穩陣啲支持入球大囉。

（有線64及203台周日晚9時30分直播）