財大氣粗再摧花

猪拉多纳

今晚上演4場亞冠盃16強次回合，上屆冠軍廣州恒大（馬會譯FC廣州）首回合作客大炒大阪櫻花5比1，晉級機會高唱入雲。不過，千祈唔好以為佢哋會留力，事關恒大每場勝仗及淨入球都有獎金，球員必然繼續數胡搵銀。加上中日政治歷史背景，中超球隊主場迎戰日本代表，一定搏命爭勝，否則難向同胞交代，恒大可望再炒櫻花，直取讓球主勝。

（now 670周二晚8時直播）
南韓再內訌吼大盤

雖然話恒大今季獎金縮水，但每場亞冠盃勝仗獎金仍高達300萬元人民幣，每淨贏1球，都有100萬元人民幣，重賞利誘之下，自然每場都要盡數對手。因此，恒大即使有4球領先優勢，亦唔會收手，反而會趁櫻花弱勢，再炒多一場發財。事實上，恒大今仗海報仍以「乘風破浪」為主題，講明唔會保留。

另外，恒大收到好消息，早前受傷嘅穆里奇已傷愈，可以披甲，呢位巴西前鋒首回合獨取兩球，今場又係佢表演時間。

大阪櫻花愈踢愈沉，主場都兩連敗，更何況去到廣州比賽，更加難發圍。估計佢哋唔奢望有奇迹出現，隨時壯士斷臂，放棄亞冠盃，專心踢好聯賽。

另一場兩支南韓球隊交鋒，浦項制鐵主場對全北汽車，浦軍首回合作客贏2比1，晉級形勢樂觀。不過全北汽車背水一戰，鬥心亦唔可以睇小，揀入球大。

（now 671周二晚6時30分直播）