計得精明:永勝多穩食尾胡

不死鸟

賀賢能夠在港立足，自當有其過人之處，不少賀廐當起馬耐戰力驚人，經常可一季之內接連殺入三甲，如大前季「再領風騷」十戰便取得四冠一亞三季﹔上季「歡笑星」六戰亦取得四勝兩位﹔「再勝多」曾跨季十二場上名﹔而「貝利高」今季八戰亦取得兩冠四亞兩季，上名率百分百。由此可見，這類賀廐當起馬確係準得驚人，馬迷大可視作銀行馬，長捧長有回報率極高。

        今番列陣尾場三班千四米的「永勝多」，亦係賀賢招牌馬之一，今季六戰有五場跑入前四名，表現忠心。早前連贏兩場千四米後，上仗加程跑千六米不敵「競駿精英」、「家家寶」及「家家興旺」跑第四，主要輸在對手實力太強，皆因上述三駒近期再出已全數贏馬，「永勝多」上仗能跑第四，其實已有交代。

        賀賢為穩陣計，今次決定讓「永勝多」回師贏馬路程千四米，爭勝把握更大，同場對手中較具威脅只得一匹「大勝福星」，其餘多匹對手實力已大致見底，只要交出近仗水準，應該穩位望贏。