見招拆招:全能誓捲土重來

不死鸟

近期賽事頻密之餘，賽事水準亦較低，結果不時有大冷馬跑出，呢個情況可能與香港整體馬匹水準下降有關。筆者相信日後賽期增多嘅話，暑期所安排嘅賽事亦好有機會係低水準賽事。

凱旋煌打鐵趁熱

        周日沙田舉行九草兩泥賽事，兩場泥地賽形勢較單純，可能比草地賽更值得投注。第四場五班泥地一哩，「凱旋煌」雖然係十歲老馬，但上仗仍然響同程爆廿五倍冷門贏馬，雖然最後二百米勞愛德韁繩脫手，但仍輕勝對手四分三馬位，足證老馬識途。勝後加五分至廿五分，對於呢匹老馬影響唔大，今仗亦只需要負一一八磅上陣，十歲馬跑埋今季便退役，既然近況勇銳加上今仗對手亦不強，必把握機會再贏，值得再追。

        第五場四班泥地千二米，「全能」上仗出閘較為論盡，結果只能在同程追獲第五名，臨場只得六點八倍，已反映幕後有一定信心。搏失後今仗「全能」繼續交由馬偉昌操刀，騎者早前已連續三仗替此駒執韁，唔放手必有其見地，今仗抽到四檔只要出閘順利，於前中段跟好位競逐，末段有權憑後勁一網打盡，值得捧場。