高士路熱W啱素

猪拉多纳

自由盃回師主場翻盤

聽朝有兩場南美自由盃8強次回合賽事，阿king就對高士路主場迎戰聖羅倫素呢場波特別有心水，主場威力強勁嘅高士路首回合作客輸0比1，今場返到嚟自己地頭就更會搏命，對住作客蟲聖羅倫素贏波在望，1.5倍主W熱透咪走寶！

（周四早上9時開賽）

上季巴甲盟主高士路成功靠住整體足球殺出一條血路，相隔十年再嘗巴甲冠軍滋味，以巴西球員為主嘅高士路雖然冇人入選今屆世盃巴西國家隊大軍，但唔代表陣中冇實力球員，中堅達迪安達臣、前鋒達高巴圖同波捷斯等個個都實而不華，要數陣中最有星味嘅球員，應該都係効力過西維爾、皇家馬德里、阿仙奴及羅馬等歐洲勁旅嘅前鋒巴迪斯達，有呢位大舊中鋒喺前面為後上嘅進攻中場、上季巴甲MVP艾華頓列比路開山劈石，高士路實力非同小可。

高士路喺自由盃8強首回合輸畀聖羅倫素0比1，好彩今場返到主場作賽，高士路主場戰績犀利，近13次主場均保持不敗，對住作客例牌腳軟、近11作客僅得1勝嘅聖羅倫素勁有勝算！
沙蘭迪「細」守國民會

至於另一場自由盃8強賽事，沙蘭迪兵工廠主場對國民會，主隊近3場自由盃均開出入球細，攻力有限，而首回合有1球在手嘅巴拉圭球隊國民會今場更會以守為先，保住優勢，費事輸番轉頭搞到出局，細盤值捧。最後講埋美職獨腳戲，肯薩斯體育會主場對費城聯，肯薩斯體育會狀態托弗，連續4場主場保持不失，當中贏咗3場，對住近5仗4負1和嘅費城聯，捧讓球主勝。