金碧亮馬不愁寂寞

不死鸟

現今足球同賽馬可以話一家親，響外國養馬，用球員名替愛駒命名都幾常見，好似「雄風」響英國叫Shevchenko，同舒夫真高個名一樣，今季又有尹佩斯（Van Persie）登陸香港，所指的是「金碧亮馬」，相請不如偶遇，呢對星級馬周日同時上陣。
「金碧亮馬」響新西蘭?馬名Van Persie，與阿仙奴前鋒尹佩斯同名，父系Van Nistelrooy就係另一位荷蘭籍前鋒雲尼斯達萊，像出自足球世家似的，本身來港前跑3場得冠亞季各一，初出響1200米不敵「帶利財子」得第三，翌仗縮程990米後上第2，最後扳至1400米，配合性能下卒之贏番場。事實上，同父馬「再豐裕」、「好知己」以及同馬房「歡樂出擊」，統統都在1400米打上路程交出成績，加埋母系第二及第三代有不少成員贏到2000甚至2400米，便可證明「金碧亮馬」短途鬥快非其所長，再者蘇保羅?新馬普遍較為慢熱，初出跑1000米應求熱身，長線響3班不愁寂寞。