費列活特細守城池

猪拉多纳

1球在手次回合歎慢板

英乙升班附加賽次回合，費列活特主場對約克城，費軍首回合贏1比0，晉級決賽形勢大好，今仗更有地利，理論上可以秤先。不過考慮到費列活特唔需要贏，或會歎慢板睇定來食，主W有風險。約克城非勝不可，問題係佢哋攻力弱，想收復失地並唔容易，首選入球細。

（TVB 301周六凌晨2時45分直播）

費列活特踢法穩陣，首回合憑一次反擊得手，成功先拔頭籌。以佢哋保守作風，既然有一球在手，無謂太冒進，幾大都繼續踢穩守突擊。事實上，費列活特主場勝出率唔高，近8次主場出擊僅3勝。其次升班附加賽始終屬於淘汰賽性質，做好防守係能否再進一步嘅最關鍵因素，費軍應會以不敗為前提，可唔可以再贏多一場，並唔重要，唔好高估費列活特嘅爭勝決心。
約克城火力勁曳

約克城出名攻力差，即使以聯賽第7位獲得附加賽資格，但其實佢哋46場聯賽，僅入52球，仲少過排第18位嘅車頓咸等中下游球隊。難怪首回合就算有主場之利，但都未能對費列活特構成太大威脅。而且約克城想爭取收復失地之餘，亦要提防對手突擊，否則再輸多1球，咁就回天乏術，估計約克城唔敢壓得太前。另外，雙方近8次交鋒有7次開細，值得再追。