修安聯翻盤戰撐主Ｗ

猪拉多纳

英乙升班附加賽次回合，首回合輸0比1嘅修安聯今晚上演「翻盤戰」，返主場誓要擊敗伯頓，晉級決賽爭升班，伯頓作客平平，攻力又弱，近六作客僅入一球，對住主場強勢嘅修安聯真係好難踢，輸波唔出奇，1.92倍主Ｗ梗係捧得過﹗

（TVB 301周六晚7時直播）

修安聯喺12至13年球季仲排緊英乙11位，但自從喺前侯城領隊菲臘布朗領軍下，隊波防守變得好強，今季一躍成為爭升班分子，可以話係守出個未來，今季喺英乙踢咗46場波只係失咗39球，仲少過榜首嘅車士打菲特，主力中堅蘇高歷克係利物浦借將，呢位小將雖然只得20歲，但踢法成熟，非常穩陣，修安聯今季防守咁掂佢係一大功臣。
伯頓後防主力缺陣

修安聯防守力強，而伯頓就攻力弱，近六次作客只係入得一球咁大把，今場理應捧入球細，不過科娜略嫌入球細得1.57倍冇肉食，主勝就更值捧場，皆因修安聯近排喺主場戰績強勁，近五主場取得四勝，首回合落後一粒嘅修安聯今場為追番總比數，料唔再踢守勢波，而且伯頓今場最大隱憂就係後防大將伊恩夏普斯要停賽，防線受影響，與其捧細，不如改捧主勝仲實際！