索察上岸波必拚

猪拉多纳

贏伊維恩就唔使降班

法甲嚟到煞科日，焦點落喺護級大戰，由尾三嘅索察主場硬撼尾四嘅伊維恩。索察貴為護級專家，季中開行Turbo係咁搶分，外借新星佐敦阿休亦弗到爆燈，可乘勢贏波拖伊維恩落水成功上岸，小讓平半兼低水擺明有計，上盤有買趁早。

（TVB 302周日凌晨3時直播）

法甲係尾三隊降班，現時榜末形勢緊湊，尾三嘅索察將與尾四嘅伊維恩爭最後一個護級席位，索察落後伊軍1分，即係話若果佢哋能夠全取3分，就唔使理會其他球隊嘅賽果，便可拉伊維恩落乙組，自己就有得留低，戰意必堅。
借將佐敦阿休係救星

由於索察護級經驗豐富，習慣留前鬥後，因此佢哋季中發力搶分絕不令人驚訝，當然最重要係喺冬窗期間向馬賽借得未受重用嘅佐敦阿休，呢位加納新星明顯改善到球隊嘅進攻，佢打咗半季就入咗5粒，帶領索察喺近16場聯賽狂搶29分，包括逼和勁旅聖日耳門及馬賽，佐敦阿休啱啱入埋加納世盃30人初選名單添。

雖然伊維恩打和便上岸，但同氣勢如虹嘅索察相比，佢哋成季演出太過反覆，尤其作客更係差強人意，18場作客聯賽贏得3場咁大把，當中輸咗10場，今仗仲有迪美路、艾雷、薛迪巴保沙等主力因傷倦勤，嚟到生死戰唔多信得過。況且索察今仗要讓平半，賠率低到得番1.67倍，擺明備受莊家睇好。索察近7場未輸過勁弗，上盤不容錯過，另可考慮埋有1.85倍嘅索察「晉級隊伍」。