皇馬開香「賓」飲「勝」

猪拉多纳

C朗搶胡獨霸歐洲金靴

雖然皇馬西甲爭冠無望，仲隨時為留力歐聯決賽收起部分主力，但唔代表今晚主場迎戰愛斯賓奴會Hea踢，皆因主力C朗要為獨霸歐洲金靴獎搏命，只要佢決心入波，皇馬對住等緊放假嘅客隊邊止贏一粒咁少，捧1.72倍「讓主」。

（now632台周六晚10:00直播）
愛斯賓奴Hea踢等放假

C朗同紅軍射手蘇亞雷斯喺聯賽都射入31球，喺歐洲金靴獎積分榜排頭位，不過C朗又點會甘心同人分享個獎吖。英超已經收咧，即係話C朗今晚有士哥即可獨霸獎項，使驚佢唔搏命射爆愛斯賓奴？雖然皇馬會留力應戰，但前鋒艾華路莫拉達、中場艾斯高等戰將唔係善男信女，當然想喺主場煞科戰大勝氹球迷開心。

睇番愛斯賓奴最近7戰錄得2和5負不勝戰績，就知位處聯賽榜中游嘅佢哋早就等緊放假，今晚仲邊得閒阻住C朗開餐吖？而且佢哋近4次聯賽作客巴拿貝球場，有3次至少吞3蛋而回，今晚等做「銀河艦隊」炮灰都似！