至勇威龍進軍三捷

不死鸟

韋達停賽4日後，今次強勢回歸，明日沙田11場賽事他出足咁多場，這位一哥真係餓馬已久，屆時一定全力出擊，務求連場數胡。今期韋達11匹座騎中，有多駒本身不是其基本座騎，收到風話係韋達親自打電話向練馬師索騎，可見他睇到一些好馬，當然要收歸旗下出賽，呢類馬一定要睇住，而列陣第九場的「至勇威龍」便是其一。
「至勇威龍」質素有幾好，相信都唔需要向大家多講，此駒來港後出賽3次取得2冠1季，上場在1600米贏完馬後，胡森更表明此馬來季大有機會是馬房的打�掀遄樱�就知胡森幾睇重呢匹馬。此駒季內分別由衛韜禮和蘇銘倫贏馬，不過這兩位好手都是客串騎師，現時雙雙返回法國作賽，胡森當然對「至勇威龍」的配搭感到頭痛。
本以為早前此駒由勞愛德試閘，呢位南非騎師會執到好籌，點知佢早前因為搏失咗「至勇飛龍」，加上韋達又向胡森索騎，最終呢匹好馬就由這位馬場一哥接手，今仗牠初次增程跑1800米絕對無問題，相信可順利完成三連捷。