鹿角盃賽發圍起飛腳

猪拉多纳

日本聯賽盃A組第四輪賽事，大阪飛腳主場鬥鹿島鹿角，飛腳兩大重心今野泰幸及遠藤保仁入選日本國家隊，將會雙雙缺陣，戰鬥力起碼打個七折，今次主場出戰亦無優勢。鹿角齊腳出戰，有力反客為主，客Ｗ有2.12倍博得過！

（周三晚6時開賽）

大阪飛腳開季戰績只屬一般，不過隊中司令塔遠藤保仁仍被視為國家隊主將，而今野泰幸亦成功入選世盃大軍，兩位巴打近日已經隨隊展開集訓，所以唔會為飛腳出戰聯賽盃。據日本傳媒報道，飛腳今次有機會試陣，中場岡崎建哉隨時會正選登場，但點計戰鬥力都要打折扣，實在唔好睇得太高。

鹿島鹿角本季表現不俗，但隊內並無球員入選日本國家隊，老將小笠原滿男及中田浩二近年不受重用，年輕一代遠藤康同柴崎岳又未能上位，所以本屆世盃錄得零代表紀錄。不過，呢種情況反而更有利球會部署下半季賽事，起碼依家齊晒腳出戰盃賽，佢哋季初喺聯賽作客砌低飛腳，今次有力再贏。
風林讓唔起吼細好過

同日B組日職魚腩德島漩渦主場對甲府風林，漩渦今季唯一勝仗就係砌低風林，嗰場風林攻勢佔優，但未能將射門轉化為士哥，呢隊波始終都唔擅長主攻，今次讓得多又要小心，預期兩隊入波唔多，細盤值得留意。