蓬萊仙子鬥質超駒

不死鸟

第一場新馬一千米，東廐「蓬萊仙子」有1083磅，比上賽微輕1磅，連同今仗在內，體重大致保持在穩定水平，今戰賽前操練工夫正常，體重仍無顯著上落，對這匹質新馬而言，應是好事。此駒上仗用馬偉昌壓陣，以東廐馬來說並非理想配搭，結果該役由廐侶「加州滿意」勝出，好明顯本身只係副車身分，今次回配徒弟蔡明紹主轡，雖然是第三志願出賽，惟新馬班出賽馬慣常不會滿額，第三志願亦不是甚麼一回事，排檔有利，以其天生速度，有力打開勝門。

        「百利高」今次有1083磅，雖然比上賽輕了12磅之多，惟以上仗收身情況尚可更好而言，今次進一步減磅，應是馬身收實的表徵，扳到韋達攻堅，旨在交代。

        「質超駒」有1050磅，比上賽減去2磅，體重與近兩仗相若，上仗受阻後即順勢跟返，未見真章，今再用潘頓策騎，相信伍廐會雙龍出海，未許顧此失彼。

        「鐘表世家」有1147磅，兩歲仔來講已係重量級馬匹，比上賽輕了2磅，只係小意思，今次操足而臨，估計必會全力出擊，替馬房爭取好成績。