皇馬上盤愈買愈低水

猪拉多纳

今屆歐聯決賽皇馬鬥馬體會，兩支同國同市球隊交鋒，但飛數卻一面倒支持皇馬，早餐盤皇馬讓平半，上盤由八二水，一直買到六幾水，情況相當誇張，可見大戶對「銀河艦隊」充分信心。事實上，以波論波，皇馬確係高些少，加上馬體會攞完聯賽冠軍，今季已完成任務，爭勝決心未必夠皇馬強，上盤可取。
馬體會捧西甲失鬥心

無可否認馬體會近年實力大躍進，攻守有序，整體戰出色。不過來到歐聯決賽一戰定生死，情況就好唔同，講求心理質素同鬥志，馬體會大部分球員剛於近年冒起，大賽經驗不足，喺關鍵關頭，或會過度緊張，出現無謂錯誤。事實上，季初冇乜人睇好馬體會，打入歐聯決賽已屬超額完成，更何況佢哋已奪得西甲冠軍，有晒交代，捧咗盃，爭勝決心反而會下降。

皇馬一向以歐洲最佳球隊自居，極恨攞第10次歐聯冠軍，證明身份地位。「銀河艦隊」喺國內聯賽贏過好多次冠軍，論稀罕程度，當然比唔上歐聯。佢哋季尾眼見西甲爭標機會唔大，當機立斷收步唔去，專心留力備戰歐聯決賽。莊家普遍開出皇馬讓平半，上盤超低水，甚至要讓半球，充分反映皇馬勝券在握。

另英冠升班附加賽決賽打比郡對昆士柏流浪，呢場波開平手盤比較合理，但打比郡聯賽成績較好，要讓平半，所以揀昆士柏流浪下盤。