奧連特半和有着「洛」

猪拉多纳

今晚會上演英甲升班附加賽決賽，由奧連特同洛達咸會師溫布萊球場，爭奪今季最後一個英冠升班席位。呢場波事關重大，睇怕都係穩陣行先力求不失，不妨博2.05倍半場和。（TVB301周日晚10:00直播）

兩隊甲組仔嚟到全季最關鍵嘅一戰，大家肯定都抱住「唔想先失波」嘅心態落場，踢法難免傾向保守。奧連特翼鋒甸尼確斯傷勢無大礙可以披甲；洛達咸除咗上場復出嘅射手阿加特、中場費克寧頓繼續擔正外，守將賓特利亦告傷愈。雙方人腳同樣齊章，似乎好難佔到對方甜頭。

睇番奧連特、洛達咸今季喺聯賽對碰都係主場嘅一方勝出，不過兩場波勝負都只係一球之差，可見雙方實力相差無幾。預料今晚喺中立場上演嘅終極一戰，上半場好大機會係試探性質同埋先求穩守，照咁睇2.05倍半場和值得捧場。