計得精明（張沖）奪寶群英四班老虎

不死鸟

 蘇保羅剛戰大演帽子戲法，憑「納柏二號」、「雅雪」及「色彩傳奇」中三元，沉寂了一輪後，似乎打算在季尾展開新一輪攻勢，不妨繼續留意。

卡士高無懼負重

        明晚賽事較睇好的蘇廐馬係列陣第四場四班千二米的「奪寶群英」，此駒實力三班不足，居四班卻綽綽有餘，尤其跑谷草千二米表現更為準繩，近五戰跑四班此程便合共取得兩冠一亞一季，不上名之役亦跑第五，可見牠在四班上陣確佔優勢，情況一如剛戰贏馬的「色彩傳奇」，跑回讓磅賽就算負磅較重，亦可憑卡士擊倒對手。

        今戰「奪寶群英」重返四班作賽，雖然要負一三三磅上陣，但季中亦試過在同程負重磅下跑第三，只輸給兩匹路程專家「京城孖寶」及「衝勁寶」，足見本身負重能力其實不差，潘頓近期手風不俗，此駒可贏位兼投。

        最強對手應是「好德煌」，前仗配韋達在同程贏來有餘未盡，質新馬正踏入成熟期，上仗回配柏寶跑田草千四出頭過早飲恨，今次回師贏馬路程必捲土重來。