「球員總入球」推介 長追美斯「3+」有着數

猪拉多纳

「球員總入球」方面，預測球員喺每場比賽嘅入球數字，包括有「0」、「1」、「2」及「3+」4項選擇。聽完都冇咩頭緒？唔緊要，就好似英格蘭及阿根廷兩大公眾熱門，朗尼同美斯分別係兩軍嘅前線數胡人物，但講到揀「球員總入球」嘅話，朗尼絕對係「0」球首選，至於球王美斯就值得吼實「3+」！
朗尼「0」球買得過

朗尼冇傷冇病雖然會係英格蘭前線嘅必然正選，不過佢以往喺世盃決賽周冇咩佳作，而且從熱身賽所見，為讓位畀正箭頭史杜列治或列基林拔，領隊鶴臣分分鐘要朗尼墮後做策劃，入波機會更少，捧「0」球係唔錯嘅選擇。

至於阿根廷球王美斯，盤扭技術幾勁唔使多講，個人突破入波可謂易過借火，最重要係國家隊喺F組嘅對手戰鬥力曳爆，面對波斯尼亞、伊朗同尼日利亞佔有絕對優勢，畀晒機會美斯騷哥利表演，稱得上係「3+」嘅最好選擇。