哥倫比亞先頂半場玩後勁

猪拉多纳

32支世盃球隊各有唔同風格及戰術，直接影響佢哋每仗嘅部署。

事隔16年再踏決賽周嘅C組種子隊哥倫比亞，自阿根廷籍領隊柏加文接手後全面復甦，睇番佢哋喺外圍賽有超過一半嘅7場賽事，於半場同對手打和，證明哥軍嘅策略穩守行先，謀定而後動。特別係王牌射手法卡奧因傷未有入選，其他前鋒如積臣馬天尼斯、卡路士巴卡、阿祖安拉莫斯喺國家隊又冇咁sharp醒，難免影響攻力，加上眾將欠缺大賽經驗，比賽初段踢得保守亦屬人之常情。預計喺C組首仗能穩中求勝擊敗希臘，「和主」乃不二之選，之後再鬥實力接近嘅科特迪瓦同日本，隨時殺得難分難解，不妨冷敲「和和」。
推介：哥倫比亞(和主、和和)