萬里駒技勝一籌

不死鸟

下周二26號係牌照委員會開會研究發牌給來季騎練及副練牌照決定誰人有得繼續玩，誰人無得留低，估計騎師方面，除?冼毅力及魯柏軒要他們兩人交出理由之外，相信其餘騎師應無問題可獲發來季騎師牌照。冼毅力今季又屢犯不君子行為，陣中又粗野策騎被重罰，一早已被發牌小組列入黑名單，現時他還停賽，要到6月1日之後上可上陣，但早前牌照委員會，已訂下周二要他交出理由來向牌照委員解釋，點解仲可以向他發出騎師牌照策騎今季餘下?賽事。
練馬師方面，到現時目前為止，不足13場指標?3位，包括有12場頭馬在手?伍碧權及鄭俊偉，估計欠一場加上有咁多場亞軍及季軍計分數在內，下季獲續牌應無問題，而黃汝安則得10場，還欠3場頭馬才夠數達指標，餘下賽事必要加倍努力贏足數才可下季繼續獲續牌，而今次賽事他派出3匹實力強勁馬上陣，假如今戰好彩贏足3場提早上岸亦可穩奪下季牌照，即使贏一至兩場亦有機會繼續留低，戰意如工馬房值得跟進。而今次賽事亦睇好其?房當中兩匹參戰馬贏馬機會，現推介給馬友參考。
第六場三班1650米。「勇猛神駒」近兩戰同程得冠亞各1表現出色，而呢兩仗均在末段交出全組馬最快時間，可見其加速力強勁兼勇態十足。早前因連拚多場硬仗，耗力過多下開始露疲態，練者有見及此即安排牠小休合理，而牠在邊?邊操下?得住勇態，日前試草地與「駿飛翔」拍跳，有火有力，今次再跑回強項谷草1650米，沿用人馬合拍韋達操刀，力足再次贏馬添進帳。
第八場二班1200米。「萬里駒」近其取得2冠2季佳績，顯見5歲仔現時處大熟大勇，睇回上仗出閘緩慢，陣中大半程居尾列處劣勢，但到最後200米交出強烈追勢，以一又二分一馬位輕鬆掄元，呢役表現盡顯王者本色，今次升高一班作戰，對此匹如日方中佳駟無礙進取， 今次再戰有3冠強項勝途，銳勢鼎盛力足贏馬捧瓶名利雙收。