撐東道主「讓球主勝」

猪拉多纳

黑色星期五出兵

巴西世界盃終於開打！主辦國巴西喺香港時間「黑色星期五」凌晨四點出戰克羅地亞，從足智彩開出嘅1.21倍主W，遠低於平均賠率去睇，「森巴兵團」絕對可以旗開得勝，問題只係炒唔炒得起。

攞足智彩同其他莊家嘅水位比較，足智彩個1.21倍主勝幾乎係全球最低，大部分莊家嘅水位都係1.3至1.33倍嘅區間，反映出巴西今場贏波呼聲高唱入雲。

但係足智彩個入球大有1.8倍，比想像中好分，似乎發放咗一個未必大炒嘅訊號，而且讓球盤讓球半/兩球，「主勝」2.29倍比起亞洲盤平均水位2.42倍為熱，即是巴西有可能僅贏兩粒，畀半個盤你贏，所以九叔會揀個1.8倍「讓球主勝」算數。