哥倫比亞W抵玩過上盤

猪拉多纳

和波偏熱 贏都難大炒

冇咗「老虎」法卡奧，哥倫比亞就係冇牙老虎？未必，起碼由足智彩個水位去睇，哥倫比亞仲係值得睇高半線嘅。

足智彩開嗰個哥倫比亞W，只係得1.62倍，喺全球39間菠菜公司入面，係最熱嘅一個，相反希臘W就有5.5倍，只係僅僅低過bwin、Ladbrokes兩間公司，亦都遠高於平均賠率，咁即係話足智彩極度睇好哥倫比亞，呢3間公司都睇淡希臘。
半一盤最搵笨1.48倍細夠穩陣

不過，大家唔好忽略一點，就係足智彩個和波得3.2倍偏熱，代表住希臘雖然冇乜贏波希望，但係有機會守和，哥倫比亞贏都唔慌入得多。呢啲環境讓半一個讓球盤就最笨，上盤2.02倍如果索半格同冇玩過一樣，既然有信心倒不如博1.62倍主W，驚咪買1.48倍入球細囉。