睇波緊要亦唔好冷落伴侶

猪拉多纳

世界盃正式揭幕，雖然球迷都無比興奮，但同時亦成為不少打工一族的「人生難題」，既要返工，又要睇波，分分鐘再要陪另一半，到底怎算好？

小弟身為男性，當然以男人角度出發，若然辦公時間是朝九晚五的，唯有一整個月與咖啡、奶茶等提神飲料作伴，雖然多喝傷身，但為了半夜能夠爬起來看比賽，亦唯有出此下策吧！重點還是「陪老婆／女友」，雖然有不少幸運的兄弟都找到個同樣愛足球的伴侶，可一起享受睇波樂趣，但始終另一半對足球「零興趣」的佔多數，本身要捱更抵夜起床睇波、又要抽時間陪伴對方，的確甚為攞命。

更甚者有些女性嚴禁家中男士安裝收費電視睇世盃，還說「免費電視咪有囉」，可是要明白，收費頻道如nowtv那樣64場全部高清播足，才能滿足真正球迷胃口，而且Video On Demand功能可以錄下球賽待隔日再看，就可以前一晚陪老婆、待翌日再重溫賽事啦！
賽事連環播要識「留前鬥後」

情侶又好夫妻也好，相處貴乎尊重坦誠，大家不妨「有商有量」，說明自己甚麼時候要睇波，也協議好哪天無重要賽事時可出去逛街吃飯，那就「順得哥情得嫂意」。

就像今晚3場賽事連環播，稍作一下取捨亦無妨，阿根廷對波斯尼亞當然屬必看之選，但明日還有更多精彩賽事，看少一場直播留待收工回家才On Demand，就當是「留前鬥後」吧。