踢法實淨波斯尼亞可捧

猪拉多纳

決賽周前相信冇咩人估到西班牙會喺踢完兩輪分組賽後宣告提早畢業，呢隊波贏咗咁多年，都係時候進入調整期。今屆決賽周嚟到呢一刻賽果有冷有熱，不過一班外國大戶卻係賽事大贏家，前晚三場比賽佢哋捧澳洲下盤、西班牙細盤同克羅地亞大盤，結果全部中到應一應，笑住抬錢返屋企，真係不得不寫個服字。

講番聽晚比賽，最值得留意係F組嘅波斯尼亞對尼日利亞，波斯尼亞來自東歐，有紀律，踢法實淨隊形好，上次對阿根廷班外國大戶都係捧佢哋下盤。
尼日利亞欠爭勝決心

非洲球隊今屆表現麻麻，主要原因係佢哋太重個人主義，國家觀念唔夠，永遠放個人利益喺第一位，所以經常有麻煩嘢出現，好似昨晨喀麥隆對克羅地亞竟然喺球場上自己人打自己人，真係笑大人嗰口。尼日利亞早前亦試過因為獎金問題同足總鬧大交，爭勝決心唔及對手，波斯尼亞讓半一捧上盤啱數。