4強清黃牌決賽更好睇

猪拉多纳

今日講吓黃牌及清牌玩法，球員所得黃牌係會累積，同一名球員累積兩面黃牌嘅話，就必需喺下場賽事停賽。如果一場賽事中獲得兩黃一紅被逐，就會在嚟緊嘅賽事自動停賽。假如同一名球員係16強及8強各領一張黃牌，去到4強就要停賽；不過如果夾埋只攞一張，入到4強階段會「清牌」一次，咁就算該球員喺4強領黃，都可以喺決賽上陣，黃牌清零制度其實2010年南非世界盃已經採用，而且取得不錯效果的。
唔識計出線 畀friend笑死

講完黃牌，小組賽已經打到第二輪階段，小組計分邊一隊出線係一項重要工程，當然隨時登入不同網站或打開報章都可以了解現時形勢，但跟朋友吹水時，絕對不能不求甚解，連如果兩隊同分點樣爭出線都未知，真係畀班friend笑死，所以要講解一下入球數字嘅重要性。

首先，每小組有四支球隊，贏波3分，和得1分，輸無分大家都知，踢晒所有賽事後，先計球隊嘅總積分，基本上最高分果兩支球隊出線，如果出現同分情況，就會先計同分球隊得失球差，即時話得球愈多，失球愈少嘅球隊就會出線；如果連得失球差都一樣，就會只計兩隊邊隊入得波多。