波斯尼亞1.7倍上盤抵買

猪拉多纳

尼日利亞鬥心輸晒

打波講鬥心，今屆世盃32強入面，除咗已經收工嘅西班牙、喀麥隆之外，尼日利亞第1場波對伊朗嗰陣，都係畀人一種Hea Hea吓嘅感覺，今日對住喺戰火長大嘅波斯尼亞佬，「超霸鷹」受讓都可能出事。
莊家普遍睇好客W處合理範圍

尼日利亞响打和伊朗場波，只係得兩三個球員真係肯走吓撲吓，唔少人都只係踱步，成隊波嘅組織得個亂字，表現全無非洲勁旅本色。以呢個組嚟講，伊朗應該係最弱嗰隊，尼日利亞要小組出線，其實一定要攞晒3分至掂，點知佢哋仲係咁懶懶閒，班人嘅心態係點顯而易見。

波斯尼亞就唔同，佢哋第一場波係輸咗畀阿根廷，不過演出一啲都唔失禮，如果唔係經驗比較淺，一開波就擺個老烏，阿根廷冇得Lead住嚟踢會仲辛苦。今場波所有莊家都傾向睇好佢哋，雖然足智彩個1.9倍客勝唔算熱，但係都處於合理範圍，所以博佢哋讓平半個1.7倍上盤相對穩陣，最多咪輸半格當買咗飛睇波。