陳嘉寶燈神上身 長反有着數

猪拉多纳

正所謂3人同行，必有燈神，「森巴Running Girl」一路玩得好地地，但係Anjaylia陳嘉寶忽然着燈，前晚燈死埋意大利之後，現時落後「主車群」30分同20分，嚟緊要急起直追喇！今日呢位「燈神」揀先，仲搵埋啦啦隊3位姊妹幫手，佢哋決定支持葡萄牙，Cheronna睇好比利時，領先嘅Heidi就捧南韓對阿爾及利亞打和。

Heidi李靜儀：來自星星嘅南韓今晚又登場，對手阿爾及利亞踢得唔曳，我估呢場又打和。

Anjaylia陳嘉寶：我都估唔到自己無端端着燈，唔緊要啦，我嘅愛隊葡萄牙會幫我熄燈o架喇。

啦啦隊Yanny：C朗！C朗！我哋支持你！

Cheronna吳嘉熙：比利時上場反勝有氣勢，加上俄羅斯個龍門牛油手，今場我捧歐洲紅魔鬼！