哥斯達黎加堅有料

猪拉多纳

聽晚C、D組最後一輪分組賽，好多香港球迷支持嘅英格蘭喺D組已篤定玩完，最後一仗對哥斯達黎加勝負無關痛癢，今場仲要讓到半一完全唔合理，神奇球隊哥斯達黎加堅有料，連贏烏拉圭、意大利唔係符碌，今次對住無心戀戰嘅英格蘭有力再贏，梗係捧下盤。
意大利表現呈老化

同組意大利對烏拉圭上演生死對決，意大利呢隊波已經老化，只要凍結中場派路，成隊波起碼廢咗五成功力，就算前鋒巴洛迪利幾咁犀利，只要冇波到腳就唔使怕，平手盤揀烏拉圭。

至於C組賽事，南美球隊哥倫比亞兩戰全勝表現對辦，不過佢哋已經肯定出線，連贏兩個盤係時候回吐，日本受讓有計。最後科特迪瓦對希臘，科特迪瓦個人質素係高，不過非洲球隊成日各自為戰。希臘出名防守好，主要原因球員夠紀律，團體精神一流，甚少出現大敗情況，下盤同細盤可以兼投。