哥倫上盤輸半博全抵撐

猪拉多纳

「阿蘇效應」烏拉圭轉冷

蘇亞雷斯咬基亞連尼，結果傷人傷己，畀國際足協禁制佢4個月，坐9場國際賽波監，唔單只同世界盃Bye Bye，仲要累埋烏拉圭陷入被動，今晚佢哋响16強對住氣勢如虹嘅哥倫比亞，真係有和冇贏，博12碼格局。

自從「哨牙蘇」被罰消息公開，足智彩個水位就有變嘞，主客和由前日嘅1.95倍、3.05倍、3.65倍，到咗尋日變成1.90倍、3.10倍同3.80倍，讓球盤哥倫比亞讓平半，水位亦由上盤1.78倍、下盤2.08倍，調整為上盤1.72倍，下盤2.16倍。雖然唔係大幅異動，但係都反映出「阿蘇效應」。
哥倫比亞技術組織有料到

冇咗「咬人蘇」係咪咁大影響呢？如果睇番第一場佢哋輸畀哥斯達黎加，又真係好有影響個喎，何況分組賽3連勝嘅哥倫比亞，無論技術、組織都好過哥斯達黎加，烏拉圭好大機會死喺「阿哥」手上。哥倫比亞讓平半個上盤，可以輸半博全。