功力勁天時地利

不死鸟

第三場三班1000米。有過「最佳福星」（06/07胡森練馬師團體馬）一次失敗經歷，「龍得風雲」做得今季練馬師團體馬，來港前經過精挑細選才對，事實上，兩匹馬響英國都屬胡森家族擁有，雖則話「龍得風雲」紙上賽績所獲的3冠1季全在膠沙地建立，但同類情況「應變計劃」今季3勝草地，成績有目共睹，何況「龍得風雲」目前才3歲，未可過早武斷跑草地唔及泥地，當然在彼邦勝出或上名都有戴眼罩，今次初出配件未用住，建議暫時抱觀望態度。
大摩馬房「功力勁」響英國便是跑膠沙地起家，在港出道剛好一年，長時間選擇在谷中發展，就是貪場地較鬆軟，田草唯一上名於去季尾6月份軟地上輸畀「雄鷹」，當時賽事在大雨下進行的，多少反映「功力勁」是見水即生之馬，今回縮落1000米抽到黃金一檔，佔盡天時地利，只要幕後肯進取，有權威脅「孫子奇兵」。