靜儀繼續領先雙嘉追分靠巴西

猪拉多纳

進入8強階段，「森巴Running Girl」估波遊戲形勢又有變化，榜首靜儀喺16強貼中法國勝，累積分數達到140分繼續領先，嘉熙同嘉寶繼續緊守2、3位，今晚兩場賽事，要追分嘅嘉熙同嘉寶齊齊捧巴西，希望森巴大軍及時回勇，咪再令擁躉失望，靜儀就估法國對德國喺法定時間和波，如果畀佢估中，佢嘅榜首地位都好穩陣咯。

Heidi李靜儀：法德喺80年代有好多經典對決，今屆兩隊都打得好，我估和波！

Anjaylia陳嘉寶：巴西上場贏智利贏得咁驚險，我估佢哋今場一開波就攻到完場！

Cheronna吳嘉熙：巴西對哥倫比亞即係大哥同細佬踢波，正路巴西贏！