布洛馬波卡納搏殘醒馬模

猪拉多纳

停咗大約一個月嘅瑞超今周重開，位列榜首嘅馬模認真有運，第一場就作客榜尾布洛馬波卡納，馬模可以趁機利用呢場波操弗起狀態，同時拉開榜首優勢，講實力布洛馬波卡納根本唔夠砌，依家連體力都比對手輸蝕，兩日前先踢完歐霸盃第一圈外圍賽，今場科娜熱捧客Ｗ﹗

（周日晚11時30分開賽）

雖然馬模翼鋒兼神射手莫連斯因膝部韌帶重創要收咧，不過計人腳及實力依然高過布洛馬波卡納幾班。馬模可以話係咁多支瑞超球隊中擁有最強陣容嘅一隊，相反布洛馬波卡納喺上季結束後畀人「拆骨」，失去咗多位主力球員，實力進一步削弱，所以即使馬模冇咗莫連斯，都仍然有力贏波。
兩日前至踢完歐霸盃

其實弱旅嘅人腳質素唔掂，有時都可以靠體力製造出爆冷戰果，每人跑多一步，逼搶到對方組織唔到攻勢，但係布洛馬波卡納連呢個本錢都冇埋。布洛馬波卡納兩日前先踢完歐霸盃第一圈外圍賽，作客輸畀VPS華沙，計埋瑞超，佢哋已經取得六連敗，實力、體力同士氣，布洛馬波卡納樣樣冇，真係冇理由唔捧馬模Ｗ呀﹗