德國孭重飛要提防

猪拉多纳

森巴軍團平手盤未和過

冇咗尼馬，冇埋堤亞哥施華，巴西仲剩番幾多成戰鬥力，大家心裏有數，所以呢場4強賽前出現一種現象，就係巴西主W升水，但係咁係咪代表巴西必死呢？德國孭住重飛會順利開W益晒廣大球迷？呢一點好值得深思。

睇番兩年幾嚟巴西嘅比賽水位，「森巴兵團」讓人好常見，不過平手盤就真係一隻手都數得出，咁耐只係得兩場波有咁嘅現象，包括2013年7月1日洲際國家盃決賽對西班牙，同埋2012年11月22日客場友賽阿根廷，巴西個主勝水位基本同客隊持平，頂籠熱過對手些少，結果係巴西主場贏西班牙3粒，另一場就輸1:2，即係話每逢見到呢種盤，巴西都分到勝負未試過和波。
巴西太黑仔德國W下調

由於巴西太黑仔，德國呢兩日無論個W定平手盤，水位都下調，好似足智彩巴西W由2.62倍變2.68倍，德國W由2.52倍下調到2.45倍，XXX365個德國勝由2.9倍跌落2.75倍，假如今日持續轉熱，投X响佢哋身上金額愈嚟愈大，咁就要提防，事關今屆好多場波，有利好消息而孭重飛嗰隊，90分鐘贏唔到經常出現，巴西平手盤未必唔值博，畢竟佢哋係主場，而且尼馬單嘢响情緒上，可能令球迷以至球證更偏向支持或者寬待主隊，德國人和方面好唔着數。