VPS華沙+1攞着數

猪拉多纳

布洛馬波卡納留力護級

今晚冇世界盃賽事，但仲有歐霸盃第1圈外圍賽次回合玩，阿King重心推介北歐對決，瑞典超球隊布洛馬波卡納主場鬥芬蘭VPS華沙，要讓球客勝！事關布軍狀態真係好差，近7場輸6場，包括首回合1比2不敵VPS華沙，加上喺聯賽包尾，護級形勢告急，實在冇能力兼顧盃賽，今場隨時順理成章放棄，讓波必捧對家。

（周五凌晨1時開賽）

布洛馬波卡納以往都喺低組別聯賽打滾，直至上年先至重返瑞典超，但都只係勉強護級成功，全因以「公平競技資格」獲得歐霸盃入場券，以波論波，佢哋根本未夠班踢歐洲賽，結果首回合即輸波。布洛馬波卡納屬於細球會，連平時使用嘅主場都唔符合歐洲足協規格，今仗要移師同市斯德哥爾摩電訊球場舉行，好難期望佢哋可以收復失地。
德利城勒住踢捧細

至於VPS華沙近期3連勝，共轟入8球，走勢凌厲，更何況有1球領先優勢，可以睇定慢慢踢，布洛馬波卡納更加難咬入佢哋。另外，愛爾蘭球隊德利城首回合大勝4比0，今仗作客威爾斯球隊艾伯里斯特夫，唔需要去盡，捧入球細。