包裝好友也文也武

不死鸟

今期有3匹新西蘭自購馬出場，同組的「尚駿心」與「風雲赤子」一樣評85分，前駒曾於1400米表列賽鬥「超力駒」僅僅飲恨，及後兩場二級賽一次第四一次包尾，相對下後駒表現穩定得多，跑7場全入前四名，但距上次出賽已接近一年，始終難言信心；「締造美麗」來港前一仗大勝5個馬位，加眼罩零舍犀利，未用配備前都係要睇定先。
拍賣馬賽新面孔「特權」，這匹「列度選擇」子嗣，母系出自「馬斯基」兩歲贏4場包括二級賽，血緣配搭為正宗早熟貨色，面對一群跑過?對手肯定較輸蝕。 
「包裝」系馬空群而出，當中「包裝好友」乃由「包裝大師」馬主親自揀蟀，款頭相當有貴格的四班新馬，看其上月下旬一出跑1400米，牛刀小試下得第四，表現經已令人刮目相看，復課後雖未有大力琢磨，恃質搭夠仍足以在四班也文也武。