明尼路當弗唔怕拉魯斯

猪拉多纳

世盃曲終人散，歐洲聯賽尚未開打，拉丁美洲呢邊已經磨拳擦掌準備重開戰幔。2014年南美超級盃決賽首回合聽朝開打，由2013年南球盃冠軍阿根廷球隊拉魯斯，先喺主場迎戰2013年自由盃冠軍巴西球隊明尼路。拉魯斯主場戰績雖甚惡，但球隊休戰期間放走兩位後防主力，面對有「細哨」朗拿甸奴壓陣嘅明尼路，相信難以先獲甜頭，捧讓球客勝。

（周四早上9時開賽）
拉魯斯放走兩大主力

拉魯斯係2013年南球盃盟主，球隊主場戰績甚惡，近10仗錄得7勝3和嘅成績。不過，呢班波自5月阿甲「收爐」後就冇再踢過正式比賽，球員狀態成疑；再加上休戰期間放走後防兩位主將高列斯及伊斯基杜斯，球隊實力明顯有所削弱，今仗縱有主場之利亦難望先拔頭籌。

明尼路喺世盃期間反而冇偷懶，專程「西征」去咗同中國，同3支中超球隊「拍跳」，面對FC廣州、FC江蘇及FC貴州皆輕鬆贏波，可見球會有心「做嘢」，亦令球員都keep到狀態。明尼路喺呢3場熱身賽合共轟入12球，主力射手迪亞高泰達利連續3場賽事都有進帳狀態甚弗，加上「細哨」朗拿甸奴嘅穿針引線，相信有力攻破拉魯斯大門，今仗一於捧明尼路讓球客勝。