莫迪入局快吼半場勝

猪拉多纳

歐霸外圍賽 哥里卡未操起

歐霸盃今晚進行外圍賽第2圈首回合賽事，其中挪超榜首球隊莫迪喺主場迎戰斯洛文尼亞球隊哥里卡。莫迪近況甚弗，連續17場未嘗一敗，加上近四仗半場都搶韁領先，今戰有埋地利，阿King睇好佢哋今仗可延續氣勢，莫迪半場勝有1.75倍值得支持。

（周五凌晨2時30分開賽）

莫迪今季喺挪超表現認真犀利，自季初作客輸畀奧特足球會後，已連續17場未輸過，當中更贏咗其中嘅14場，可見呢班波狀態非常勇猛。莫迪早前雖有後防球員荷夫蘭轉投德乙球隊紐倫堡，但整體表現未有受到影響，更已連贏3仗，前線主力古白蘭辛、穆罕默艾爾尤諾斯及捷馬入球能力甚高，今仗有望攻破哥里卡大門。
串埋洛辛堡盧塞恩

斯洛文尼亞球隊哥里卡自2013年成為意甲帕爾馬嘅衞星球隊，現時陣中大部分球員皆由帕爾馬借出，就連主帥阿布隆尼都係前帕爾馬名將，可見呢班波有濃厚意大利色彩。

不過，由於斯洛文尼亞聯賽尚未「開咧」，哥里卡近期只踢咗2場熱身賽，成績1和1負，球隊似乎仍未進入作戰狀態，今仗作客對住近8仗主場取得7勝1和嘅莫迪，相信都係凶多吉少。而且莫迪近4仗皆於半場已領先，可見球隊好快就「入局」，面對狀態平平嘅哥里卡相信會速戰速決，阿King捧莫迪半場勝。

另一支挪超球隊洛辛堡同樣喺主場出擊，球隊近期狀態甚弗，連續七仗半場取得領先優勢，今仗面對實力差一截嘅愛爾蘭球隊施利高流浪，相信有望半場就「KO」對手，捧洛辛堡半場勝。瑞士球隊盧塞恩熱身賽5連勝，反映球隊已「上力」，主場面對蘇超球隊聖莊士東可望輕取對手，捧讓球主勝。