人緣好馬增程添食

不死鸟

上周日沙田賽事，跑到第八場之後，馬會公布餘下兩場賽事取消，所有騎師王派彩獲全部退款，但筆者友人話唔公平，佢買?韋達為騎師王，到跑完第八場仲係領先緊柏寶、潘頓4分，取消兩場賽事後，照計應當中，點解淨係得退款而不獲派彩，佢話應該「彩」就照派給買中韋達?投注人仕，其餘?就獲退款，我話咁樣又對馬會唔係咁公平，而我就詳細解釋他聽，原因係韋達只係領先4分，唔係以大比分數領先，假如再跑埋該兩場賽事的話，唔擔保柏寶或潘頓有機會反先，在不明朗因素下，馬會作出全部退款合理之至，假若馬會淨係派彩畀買中韋達?馬迷，而其餘就無得退款，假如咁樣做法，馬會肯定畀呢批馬迷炮轟不公平，而家咁做法，只係畀買中韋達?人炮轟，其實自騎師王推出後，筆者已講過騎師王條例有漏洞，最明顯係騎師於頭場因墮馬受傷退下火線，但買?該位騎師?投注人就無得獲退款，呢點就真係唔公平啦！
第六場四班1650米（泥地）。「人緣好馬」上仗為其作戰多仗以來，第2次跑泥地1200米，用楊明綸操刀贏來有餘未盡，末段更締22.71全組馬最快時間，顯見牠成熟後性能轉變，現時跑泥地威力更強過草地，按上場以強烈後勁取勝，反映今次增程跑1650米更利牠追趕，此駒現時處大熟大勇之境，練者鄭俊偉當把握此黃金期，適逢今次有場4班賽事，評分調高5分，造就呢匹評64分3班馬，可落此組4班賽事參戰，更巧合係泥地賽事，好似為牠度身訂造一樣，楊明綸停賽易配梁家俊操刀，負磅與上仗只多4磅無礙進取，乘勝追擊有力再贏。
第十一場二班1200米（草地）。大摩馬房的「比翼雙飛」上仗在港首戰，出爭田草1000米得第3，睇回該仗其狀態頂多得八成，但陣上走來甚出色，呢役入位明顯持質凌人，而此匹質馬經過一場實戰後勇熟俱增，埋門快跳出腳爽勁，走來有火有力，進度十足下，今次增程跑1200米，對牠更合發揮，質高勇馬今戰贏面壓一。